خطير جداااا قصة ماريان ماجد بعد ساعتين بحث عن الحقيقة إليكم النتائج

اليوم : الأربعاء 28 يونيو 2017
رئيس مجلس الادارة : سالم المصري
رئيس التحرير: سامي ربيع

خطير جداااا قصة ماريان ماجد بعد ساعتين بحث عن الحقيقة إليكم النتائج
عدد المشاهدات : 6139
2017-06-29 01:12:43

بخصوص قصة ماريان ماجد بعد ساعتين بحث عن الحقيقة إليكم النتائج :
- من شهرين لمحت بوست بيتكلم بشكل إنساني عن دكتورة بتعالج أطفال جرحي في كنيسة البطرسية، عجبني جدا اللقطة ده وقررت أكتب مقال ألخص فيه مشاعر دكتورة بتحب الأطفال ، دخلت كلمتها قلتلها " بعد أذنك عايز اكتب عن البوست ده " ، ووافقت وفعلا بعتلها الكلام واتفقنا على النشر، المهم كنت بكلمها فين وفين، وأخر مرة أتكلمت انها نفسها تبقي مذيعة و أنها ملازم أول في القوات المسلحة وعمها لواء في الجيش .
- الاكونت كان بينشر خير أوي ، وفي صديقات لي كانوا بيتواصلوا معها بخصوص استشارات طبية ولم يصدر أي تعليق غلط لكن الكلام باحترام وطبي للغاية، وصجفيين كتير كتبوا عنها وشيروا لها لانها مبادرات خير رائعة .
- فجأة النهارده أتنشر خبر موتها ، بصراحة أتصدمت بس فكرت كتير ازاي واحدة عندها ورم في الكبد تبقي كدا ، أنا والدي وأمي ماتوا بالكانسر وعارف مراحله الأخيرة حافظها، لدرجة أن في ناس بتسألني لو عندهم حالات مريضة ، فكرت للحظات أزاي واحدة في مرحلة متقدمة وهتعمل عملية وشكلها كويس كدا وبتصوري بسواريه
- صديقي لي قالي ده أكونت غلط وأنه أكونت بنت تونسية
https://www.facebook.com/hanen.mathlouthi.3
وكمان الصور من أكونت نفس البنت على الانستجرام
https://www.instagram.com/hanene.zouarii/
- كلمت صديق تاني دلني على دكتور أسمه بيتر مجدي كان بيتكلم معها وأخر كلام معها قالتله أنا هعمل عملية في المكان اللي شغالة فيه " المركز الطبي العالمي " ، كلمت المركز سألته عن دكتورة بتشتغل عندكم أسمها ماريان ماجد قالي لا مفيش ، بحثت عن أكونت أخوها اللي كتب خبر وفاتها مش موجود أصلا ، المفروض أن أي حادث وفاة بين الأقباط بيتقال فيه أمتي الجنازة في الكنيسة واللي غالبا في نفس اليوم ومفيش صورة واحدة لجنازتها ، ولا لها أسرة أسالهم .
- نهاية الكلام اللي عمل كدا مريض نفسي هو نشر خير لكن بطريقة شر ، والمعلومة الاكيده أنه دكتور لانه كان ينصح صديقات لي نصائح طبية صح ، ومستغلش أي حد كلمه بالعكس ساعده لكن الوسيلة شريرة هو انتحل صفة ملازم في الجيش ،وكان شخص ذكي جدااا يعمل check in في "كايرو فيستفيل" ويحط صورة ، وتاني يوم يكتب كلام فيه خيروأنه هيعالح ببلاش ، من الأخر ده شخص خطر لأن النهارده مرضه النفسي متوجه للخير بكرة ذكائه ومرضه النفسي هيتم توجيه للشر .
- ده قصة ماريان ماجد بكل خيرها وشرها ، أهم شيء أن الفيس بوك ده أوسخ موقع في العالم كشف كم الأمراض البشرية ودمر دول ، أكونت وهمي ممكن يصنع بلاوى ممكن يعمل خير، أزاي موقع ستارة لأشخاص مجهولة يقود رأي عام وكل الصحف تكتب عن وفاة ماريان الملاك ومفيش أصلا ماريان ، أزاي شخص قدر يبسط الناس بالخير وفجأة قدر يخلي الدموع تنزل من عيونهم على موت بنت " ملاك " .
تتحديث : م التواصل مع الدكتور ياسر غانم مدير مستشفي المركز الطبي العالمي وهو مدير في الفترة الليلية وتم التأكيد على أنه لا يوجد أسم لدكتورة تدعي ماريان ماجد ولم تجر أي عملية جراحية اليوم أو توفي شخص بهذا الاسم ، أرجو من أي شخص تعرض لنصب مادي التواصل معي
تحديث كوميدي : في شاب تواصل معي على الفيس قالي أنا اعجبت بها وطلبت أتقدم لها على الفيس ههههههههههههههههههههه اللي عمل الحوار ده شخص كارثة مريض نفسي خطر
تحديث جديد من الصديق فادي: اللي عمل اكونت ماريان عمل ظذا أكاونت fake بالمنظر ده منها أكاونتات لصاحببتها مسلمة ، وصاحبة مسيحية ، وأخوها اللي نشر خبر وفاتها ، وأخت صاحبتها ، وكله اتقفل فى نفس الوقت !!!!!!

موضوعات ذات صلة
تعليقات القراء من خلال فيس بوك